• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
16 مارچ ، 2026

جادو……

میں فوڈی ہوں، اچھے کھانوں کا شوقین، ڈوڈو نے بتایا،

بیوی سے فرمائشیں کرتا رہتا ہوں۔

کبھی کہتا ہوں، آج نلی نہاری کا جی چاہ رہا ہے۔

گھنٹے بھر میں گرما گرم نہاری مل جاتی ہے۔

کبھی کہتا ہوں، آج سندھی بریانی مل جائے تو مزہ آجائے۔

کچھ دیر میں مہکتی ہوئی سندھی بریانی کی پلیٹ آجاتی ہے۔

میں منہ پھاڑے ڈوڈو کی باتیں سنتا رہا۔

ماشا اللّٰہ بھابھی کے ہاتھ میں بہت ذائقہ ہے، میں نے تعریف کی۔

ڈوڈو نے منہ بناکر کہا،

ذائقہ نہیں، اس کے ہاتھ میں فون رہتا ہے۔

سب کچھ فوڈ ڈلیوری سروس سے منگواتی ہے۔

تازہ ترین