فرمان الہی
نماز کے اوقات
ایرانی پارلیمنٹ کی قومی سلامتی کمیشن کے ترجمان ابراہیم رضائی نے امریکی حملے کی صورت میں علاقائی ممالک کو متنبہ کردیا۔
اپنے بیان میں ابراہیم رضائی کا کہنا تھا کہ ٹرمپ کے اگلے حملے کے موقع تک علاقائی ممالک کے پاس بھی وقت ہے۔
انہوں نے کہا کہ علاقائی ممالک امریکیوں کی مستقل بےدخلی کا اعلان اور اس پر عمل درآمد کریں۔
ترجمان قومی سلامی کمیشن ایرانی پارلیمنٹ نے متنبہ کیا کہ علاقائی ممالک بعد میں ہم سے شکایت نہ کریں۔
ابراہیم رضائی کا کہنا تھا کہ ٹرمپ کو سیاسی اور معاشی طور پر دیوالیہ کرنے کا ہمارا منصوبہ ان میں سے کچھ ممالک کے ذریعے آگے بڑھتا ہے۔
خیال رہے کہ اپنے تازہ بیان میں امریکی صدر کا کہنا تھا کہ ایرانی معاہدہ کرنے کےلیے بےتاب ہیں، ایران کے ساتھ ڈیل نہیں ہوئی تو امریکا دوبارہ حملہ کرسکتا ہے۔
