فرمان الہی
نماز کے اوقات
لاہور کے علاقے سمن آباد میں ایک سوئمنگ پول میں نہاتے ہوئے 18 سالہ نوجوان ڈوب کر جاں بحق ہوگیا۔
پولیس کے مطابق نوجوان کی شناخت علی حسن کے نام سے ہوئی ہے، جو نہانے کے دوران گہرے پانی میں چلا گیا۔ واقعے کے بعد اسے فوری طور پر اسپتال منتقل کیا گیا، تاہم وہ جانبر نہ ہو سکا۔
پولیس کا کہنا ہے کہ نوجوان کی لاش پوسٹ مارٹم کے لیے اسپتال منتقل کر دی گئی ہے، جبکہ واقعے کی مزید تحقیقات جاری ہیں۔
ابتدائی معلومات کے مطابق نوجوان کی موت گہرے پانی میں ڈوبنے کے باعث ہوئی، تاہم حتمی حقائق پوسٹ مارٹم رپورٹ سامنے آنے کے بعد واضح ہوں گے۔
