فرمان الہی
نماز کے اوقات
گزشتہ رات ایران کے مختلف علاقوں پر امریکی فضائی حملوں میں 12 شہری اور 7 فوجی اہلکار شہید ہوگئے، جب کہ 70 سے زائد افراد زخمی ہیں۔
ایرانی خبر ایجنسی کے مطابق مغربی صوبے کرمانشاہ پر امریکی حملے میں پاسداران انقلاب کی ایرو اسپیس فورس کے 4 اہلکارجبکہ لاوان جزیرے پر حملے میں نیم فوجی دستے بسیج کے 3 اہلکار شہید ہوئے۔
صوبہ خوزستان میں امریکی میزائل حملوں میں 7 افراد شہید اور 8 زخمی ہوئے، جبکہ ہرمزگان کے شہر سیرک میں شادی کی تقریب پر امریکی حملے میں بچے سمیت 5 افراد شہید اور 68 زخمی ہوئے۔
ایرانی میڈیا کے مطابق اہواز، چابہار، قشم اور بندر عباس میں بھی دھماکے سنے گئے، جبکہ جیرفت ایئرپورٹ کو بھی نشانہ بنایا گیا۔
خلیج فارس کے ساحل پر واقع اہم گیس مرکز عسلویہ میں بھی دھماکے ہوئے۔
