• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رشی کپور کی پریا پرکاش کے لئے پیشگوئی

معین الدین
تازہ ترین
انٹرٹینمنٹ
18 فروری ، 2018
Rishi Kapoor Predicts Huge Stardom For Priya Parkash

بالی ووڈ کے سینئر اداکار رشی کپور اکثر ٹوئٹر پر ایسے پیغام شیئر کرتے ہیں جواُن کے لئے مشکلات پیدا کردیتے ہیں لیکن اس بار اُن کے پیغام نے کوئی تنازع کھڑا کرنے کے بجائے انٹرنیٹ پر راتوں رات شہرت کی بلندیوں کو چھونے والی پریا پرکاش کے مداحوں کو خوش کردیا ہےاور پیش گوئی کی ہے کہ وہ بڑی اسٹار بنیں گی۔

بھارتی میڈیا کے مطابق رشی کپور نے سوشل میڈیا ویب سائٹ ٹوئٹر پر اپنے پیغام میں کہا ہے کہ وہ اس لڑکی (پریاپرکاش)کے لئے بڑے اسٹارڈم کی پیش گوئی کرتے ہیں،اُنہیں اس بات کا بھی افسوس ہے کہ پریا اُن کے دورمیں کیوں نہیں آئیں۔

پریا پرکاش نے رشی کپور کے ٹوئٹ کا جواب کچھ یوں دیا کہ ’’پرنس آف رومانس‘‘ کی جانب سے سراہا جانامیرے لئے اعزاز کی بات ہے۔

 

پریا پرکاش کا کہنا ہے کہ وہ رنویر سنگھ، شاہ رخ خان اور سدھارتھ ملہوترا کے ساتھ فلموں میں کام کرنا پسند کریں گی۔

بھارتی ریاست کیرالہ کے شہر تھریسور میں ویمالا کالج کی بی کام کی 18سالہ طالبہ پریا پرکاش نے اپنی آنے والی ملیالم فلم ’اروادار لو‘ کے گانے کی ویڈیو کلپ سوشل میڈیا پر شیئر کی جو وائرل ہوگئی، جس کے بعد اُن کے فالورز میں ریکارڈ اضافہ ہوگیا۔

پریا کی یہ پہلی فلم ہے تاہم فلم ریلیز ہونے سے پہلے ہی انہیں ایک اور فلم میں کاسٹ کرلیا گیا ہے۔

پریا نے 2017 میں لائم لائٹ کی دنیا میں قدم رکھا اور چند ایک فیشن شوز میں ریمپ پر واک کی اور جلد ہی فلم میں کام حاصل کرلیا۔

ویڈیووائرل ہونے کے بعد پریا پرکاش کو لوگوں نے انٹرنیٹ پراتنا سرچ کیا کہ گوگل پر اداکارہ سنی لیون کو پیچھے چھوڑ کر سب سے زیادہ سرچ کی جانے والی اداکارہ بن گئیں۔

دوسری جانب پریا پرکاش کے اس گانے نے جہاں دیکھنے والوں کا دل موہ لیا وہیں اس کے الفاظ نے مسلمانوں کے مذہبی جذبات کو ٹھیس بھی پہنچائی ہے۔

بھارتی شہر حیدرآباد میں ان پر مسلمانوں کے جذبات کو ٹھیس پہنچانے کا مقدمہ درج کرنے کی درخواست دائر کردی گئی ہے۔

درخواست میں موقف اختیار کیا گیا ہے کہ گیت کی شاعری سے مسلمانوں کے مذہبی جذبات مجروح ہوئے ہیں۔

تازہ ترین