آپ آف لائن ہیں
جنگ ای پیپر
بدھ 15؍ شوال المکرم 1440ھ 19؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
سعودی عرب میں بھنگ اسمگل کرنے کی ناکام کوشش، 34ملزمان گرفتار

سعودی عرب کے سرحدی محافظوں نے جازان اور نجران کے علاقوں میں416 کلوگرام بھنگ اسمگل کرنے کی کوشش ناکام بنادی جبکہ اسمگلنگ میں ملوث تمام چونتیس ملزموں کو گرفتار کر لیا۔

سعودی عرب کے بارڈر گارڈزکے ترجمان کرنل ساہر بن محمد الحربی نے بتایا ہے کہ چونتیس افراد میں سے بتیس کا تعلق افریقی ملک ایتھوپیا سے تھا جبکہ ایک یمنی اور ایک سعودی شہری تھا۔

تمام گرفتار اسمگلرز کو مزید تفتیش کے لیے متعلقہ محکموں کے حوالے کردیا گیا ہے۔

کرنل الحربی کا کہنا تھا کہ سرحدی محافظ سعودی مملکت کی سکیورٹی کو خطرے سے دوچار کرنے کی کسی بھی کوشش سے نمٹنے کے لیے کوئی دقیقہ فروگذاشت نہیں کریں گے۔

منشیات کی اسمگلنگ کے دھندے میں ملوث افراد سے آہنی ہاتھوں سے نمٹا جائے گا اور ایسے کیسوں میں قانون کا حسب موقع نفاذ کیا جائے گا۔

Chatاپنی رائے سے آگاہ کریں