• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
, ,

عجب آئینہ، روئے مصطفیٰؐ ہے

MD
میگزین ڈیسک
میگزینز
نعت
23 مئی ، 2018
نعت: عجب آئینہ، روئے مصطفیٰؐ ہے

شاہ انصار الہٰ آبادی

عجب آئینہ، روئے مصطفیٰؐ ہے

کہ جلوہ، اپنی صورت دیکھتا ہے

کلام اللہ کی عظمت، نہ پوچھو

سراپا نعتِ محبوبِ خدا ہے

کوئی، کیا آپؐ کا مدحت سرا ہو

خدا خود ناز بردار آپؐ کا ہے

زباں پر نغمۂ الفقر، فخری

قدم پر سر، دو عالم کا جھکا ہے

ہمیں راس آگیا، انسان ہونا

عجب تاریخِ شاہِ انبیاؐ ہے

ہر اک نقشِ قدم، محبوبِ حق کا

مقامِ قابِ قوسین و دَنا ہے

مرے ہر شعر کو، نسبت ہے اُنؐ سے

کہاں میں ہوں، کہاں فکرِ رسا ہے

تازہ ترین
تازہ ترین
تازہ ترین