آپ آف لائن ہیں
جنگ ای پیپر
پیر10؍رجب المرجب 1440ھ 18؍مارچ 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم عمران خان کا کہنا ہے کہ پاکستان ایک محفوظ ملک ہے ، سیاحت کو فروغ دینے کے منصوبے پر عمل کےلیے ٹاسک فورس بنائی ہے، آئندہ برسوں میں یہ ایک نیا اور خوش حال پاکستان ہوگا۔


نئی ویزا پالیسی کی افتتاحی تقریب سے خطاب کر تےہوئے وزیراعظم نے کہا کہ ویزاپالیسی کے اجراءکا مقصد سرمایہ کاری کافروغ ہے ،چین ،ترکی،ملائیشیا،یواے ای اور برطانوی شہریوں کو پاکستان کاآن لائن ویزا 4 ہفتوں میں جاری ہوگا ۔

عمران خان نے کہا کہ بھارتی نژاد غیرملکی شہری بھی مذہبی سیاحتی ویزا حاصل کرسکیں گے۔

انہوں نے کہا کہ ماضی میں مائنڈ سیٹ تھا کہ ویزا کا اجراء اتنا مشکل بنا دو کہ کوئی یہاں آئے ہی نہیں،60 کی دہائی میں پاکستان بہت پراعتماد تھا، تیزی سے اوپر جارہاتھا، پھرہمارا مائنڈ سیٹ تبدیل کیا گیا اور پیسا بنانے کو گناہ سمجھا گیا، اب بھی مائنڈ سیٹ کو تبدیل کرنا بہت ضروری ہے۔

وزیر اعظم نے کہا کہ پاکستان ایک محفوظ ملک بن چکا ہےجس کا سہراسیکورٹی اور انٹیلی جنس اداروں کو جاتاہے،ہمیں اب کوئی سیکیورٹی کے مسائل نہیں ہیں۔

انہوں نے کہا کہ بھارت کے الیکشن تک تھوڑا سا مسئلہ ہوگا، وہاں انتخابات ہونے کے بعد ان شاء اللہ تمام پڑوسی ممالک سے اچھے تعلقات ہوں گے۔

Chatاپنی رائے سے آگاہ کریں

قومی خبریں سے مزید
خاص رپورٹ سے مزید
ویڈیو رپورٹس سے مزید