آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ماہرہ خان نے پوچھا لگا کر مداحوں کے دل جیت لیے

پاکستانی ڈرامہ اورفلم انڈسٹری کی خوبرو اداکارہ ماہرہ خان نے ویسے تو اپنی جاندار اداکاری سےپاکستان اور سرحد پار لاکھوں دل جیت رکھے ہیں مگر اب حال ہی میں اُن کی سوشل میڈیا پر ایک ویڈیو وائرل ہو ئی ہے جس کے بعد تو اُن کے مداح اُن کے صدقے واری جا رہے ہیں۔

ڈرامہ ہمسفر کی معصوم خِرد اداکارہ ماہرہ خان اس ویڈیو میں کالی کُرتی اور لال اسکرٹ پہنےکسی سینڈریلا سے کم نہیں لگ رہیں، مگر وہ سیٹ پر اداکاری کے بجائے پوچھا لگاتی نظر آرہی ہیں ، پوچھا لگاتے ہوئے بھی وہ اس کام کے ساتھ انصاف کرتی دکھائی دے رہیں ہیں، جبکہ ساتھ میں موجود ساتھی اداکار اُنہیں تنگ کر رہے ہیں کہ یہاں تھوڑی مٹی رہ گئی ہے۔


سماجی رابطے کی ویب سائٹ ٹوئٹر پر ایک صارف نےماہرہ کی ویڈیو شیئر کرتے ہوئے لکھا ہے کہ ’ یہ خاتون ماہرہ خان ہیں اور وہ پوچھا لگا رہی ہیں، اِن کے ساتھی اداکار انہیں مزدور خان پکارتے ہیں، اس بات پر کوئی تعجب نہیں کہ وہ ستاروں کو چھو رہی ہیں۔‘

اُنہوں نے مزید لکھا کہ جہاں دُنیا صبور علی جیسی اداکاراؤں سے بھری ہوئی ہو ، وہاں ماہرہ خان جیسا بننے کی کوشش کریں۔

انٹرٹینمنٹ سے مزید