فرمان الہی
نماز کے اوقات
الیکشن کمیشن نے مریم نواز کو پارٹی عہدے سے ہٹانے کی درخواست پرفیصلہ محفوظ کرلیا ۔
الیکشن کمیشن میں مریم نواز کو پارٹی عہدے سے ہٹانے کی درخواست پر سماعت ہوئی،چیف الیکشن کمشنر کی سربراہی میں 3 رکنی کمیشن نے سماعت کی۔
الیکشن کمیشن مریم نواز کو پارٹی عہدے سے ہٹانے کی درخواست پر فیصلہ 27 اگست کو سنائے گا۔
دوران سماعت ن لیگ کے وکیل نے مؤقف اپنایا کہ قانون کے مطابق صرف پارٹی الیکشن چیلنج ہوسکتا ہے، پارٹی کی جانب سے کی گئی نامزدگیاں چیلنج نہیں کی جا سکتیں، مریم نواز کی نامزدگی قانون کے مطابق کی گئی ہے۔
الیکشن کمیشن کے ممبر خیبرپختونخوا ارشاد قیصر نے وکیل سے استفسار کیا کہ مریم نواز کی نامزدگی کس قانون کے تحت ہوئی اس کا حوالہ بھی دیں جب کہ ممبر پنجاب الطاف قریشی کا کہنا تھا کہ آپ تسلیم کر رہے ہیں کہ مریم نواز کی نامزدگی ہوچکی ہے، پہلے آپ کہتے تھے تعیناتی ہوئی ہے تو درخواست گزار نوٹیفکیشن دے۔
واضح رہےکہ مریم نواز کو پارٹی عہدے سے ہٹانے کے لیے تحریک انصاف نے درخواست دائر کی تھی جس میں مؤقف اپنایا گیا تھا کہ مریم کی بطور پارٹی نائب صدر تقرری آئین و قانون سے متصادم ہے، وہ کسی بھی سیاسی و عوامی عہدے کے لیے نااہل ہیں۔
