آپ آف لائن ہیں
جنگ ای پیپر
منگل17؍محرم الحرام 1441ھ 17؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان کا گورنر ہاؤس نتھیا گلی عوام کیلئے کھولنے کا اعلان

وزیراعظم عمران خان نے گورنر ہاؤس نتھیا گلی سمیت تمام سرکاری ریسٹ ہاوسز عوام کے لیے کھولنے کا اعلان کر دیا ہے۔


وزیرِ اعظم عمران خان نےسماجی رابطے کی ویب سائٹ ٹوئٹر پر ایک ویڈیو شیئر کرتے ہوئے بیان جاری کیا ہے جس میں خیبر پختونخوا حکومت کےسرکاری ریسٹ ہاوسز کو عوام کی سیاحت کے لئے کھولنے کا اعلان کیا گیا ہے۔

عمران خان کا کہنا ہے کہ برطانوی راج کے دور کی علامت سمجھے جانیوالی تمام سرکاری عمارتیں اب حکومت کی آمدنی کا ذریعہ بن سکیں گی۔

انہوں نے کہا کہ ماضی میں ان سرکاری عمارتوں کی تزئین و آرائش پر عوام کے ٹیکس کا پیسہ خرچ ہوتا رہا ہے۔

واضح رہے کہ رواں سال ٹورازم کانفرنس سے خطاب کرتے ہوئے وزیراعظم کا کہنا تھا کہ ملک میں سیاحت کے لیے اتنے خوبصورت مقامات ہیں جن کا اندازہ حکمرانوں کو بھی نہیں ۔

وزیراعظم کا کہنا تھا کہ 15سال کی عمرمیں ناردرن ایریاز گیا تھا وہاں کے تمام ہوٹلز بک تھے، میرا باہر سے جو بھی دوست ایک بار ناردرن ایریاز آیا ہے بار بار آنے کا کہتا ہے۔

عمران خان نے مزید کہا کہ سو نتھیا گلی پاکستان میں ہیں کسی کواندازہ ہی نہیں، پاکستان میں اب بھی ایسے سیاحتی مقامات ہیں جو اب تک دیکھے نہیں گئے۔

انہوں نے کہا کہ سیاحت میں سرمایہ کاری سے سب سےزیادہ منافع ہے، دنیا میں لوگ ٹورسٹس سے پیسے بناتے ہیں۔

قومی خبریں سے مزید