آپ آف لائن ہیں
جنگ ای پیپر
اتوار 22؍محرم الحرام 1441ھ 22؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملیحہ لودھی کی سیکرٹری جنرل انتونیو گوتیریز سے ملاقات

اقوام متحدہ میں پاکستان کی مستقل مندوب ملیحہ لودھی کی سیکرٹری جنرل انتونیو گوتیریز سے ملاقات ہوئی ہے۔

ملیحہ لودھی کی سیکرٹری جنرل انتونیو گوتیریز سے ملاقات


ملاقات کے دوران ملیحہ لودھی نے اقوام متحدہ کے سیکرٹری جنرل کو بتایا کہ مقبوضہ کشمیر میں صورتحال بتدریج بگڑتی جا رہی ہے ۔

بھارت نےمقبوضہ کشمیر میں انسانی حقوق کی سنگین خلاف ورزیاں کی ہیں اور بڑے انسانی المیہ کے پیدا ہونے کا شدید خدشہ ہے۔

ملیحہ لودھی نے اقوام متحدہ کے سیکرٹری جنرل انتونیو گوتیریز کو بتایا کہ خطےمیں امن کو سنگین خطرات لاحق ہیں۔  

ملیحہ لودھی کا کہنا تھا کہ کشمیر میں 35 دن سے نافذ کرفیو نے معمولات زندگی کو مفلوج کیا ہے، کرفیو نے پوری وادی کو ظلمت میں دھکیل دیا ہے، بھارتی اقدامات عالمی قوانین اور سلامتی کونسل کی قرادادوں کی واضح خلاف ورزی ہیں۔

پاکستان کی مستقل مندوب نے اقوام متحدہ کے سیکریٹری جنرل  سے مطالبہ کیا ہے کہ ’تنازعات سے بچاؤ کی سفارتکاری‘ کے ایجنڈے کو کشمیر پر بھی لاگو کیا جائے، اقوام متحدہ کو قانون، انصاف اور انسانی حقوق کا بالادستی کے لیے آواز اٹھانی ہوگی، ‎کشمیر میں جاری ظلم پر پاکستان کبھی خاموش نہیں رہےگا۔

قومی خبریں سے مزید