شاہد آفریدی نے فخر عالم سے کیا فرمائش کردی؟

06 نومبر ، 2019

شاہد آفریدی نے فخر عالم سے کس کتاب کی فرمائش کی ؟

پاکستان کے معروف اداکار، گلوکار و میزبان فخر عالم سے قومی کرکٹ ٹیم کے سابق کپتان شاہد آفریدی نے اُن کی نئی آنے والی کتاب ’مشن پرواز‘ کی فرمائش کردی۔

گزشتہ روز فخر عالم نے اپنے ٹوئٹر اکاؤنٹ پر ایک ویڈیو اپلوڈ کی۔ جس میں دنیا کے 32 اسٹاپس کا سفر کرنے والے فخر عالم نے بتایا کہ اُن کے اس تاریخی سفر پر مبنی کتاب شائع کردی گئی ہے۔

سماجی رابطے کی ویب سائٹ ٹوئٹر پر شاہد آفریدی نے فخر عالم کے ٹوئٹ کا جواب دیتے ہوئے مبارکباد دی اور ساتھ ہی کتاب کی فرمائش بھی کرڈالی۔

اس ٹوئٹ کے جواب میں فخر عالم نے کہا کہ میں ذاتی طور پر آپ کو یہ کتاب بھجوادوں گا۔

فخر عالم اپنا تاریخی سفر ’مشن پرواز‘ مکمل کرکے دنیا کا چکر لگانے والے پہلے پاکستانی ہیں۔

اس سفر پر مبنی ان کی نئی کتاب لیبرٹی اسٹورز پر موجود ہیں جبکہ یہ کتاب جلد ہی ایمزون پر بھی دستیاب ہوگی۔

فخر عالم نے اپنے ٹوئٹس میں بتایا کہ انہوں نے اپنی کتاب کی پہلی کاپیز ڈی جی آئی ایس پی آر میجر جنرل آصف غفور کو جی ایچ کیو راولپنڈی میں دی جبکہ دوسری کاپی صدر مملکت عارف علوی کو پیش کی۔

واضح رہے کہ فخر عالم نے گزشتہ سال 10 اکتوبر کی صبح 7 بجے امریکی ریاست فلوریڈا کے شہر واٹرز سے مشن پرواز کا آغاز کیا تھا جو کہ 28 دن پر محیط تھا۔

تازہ ترین