کتے کے کاٹنے کے بعد لاڑکانہ کا بچہ کراچی منتقل

سندھ انتظامیہ کی لاپروائی کے باعث ایک اور بچے کو کتے نے کاٹ لیا جس کے بعد بچے کو کراچی کے نجی اسپتال منتقل کیا گیا ہے۔

پاکستان پیپلز پارٹی کے گڑھ اور شہید ذوالفقار علی بھٹو کے شہر لاڑکانہ میں پیش آئے واقعے میں بچے کو ویکسین تک نہ مل سکی۔

کراچی: شیرشاہ میں پاگل کتے نے 3 افراد کو کاٹ لیا

کراچی کے علاقوں ایف سی ایریا اور لائنز ایریا کے بعد...

6سالہ حسنین کو کراچی منتقل کیا گیا ہے جو تاحال نجی اسپتال کے ایمرجنسی وارڈ میں داخل ہے۔

اسپتال انتظامیہ کا کہنا ہے کہ بچے کو طبی امداد دی جا رہی ہے، بچے کے چہرے کا ایک حصہ کتے کے کاٹنے سے بری طرح متاثر ہوا ہے۔

یہ بھی پڑھیئے: کراچی، کتے کے کاٹنے کا شکار نوجوان اسپتال میں دم توڑگیا

نجی اسپتال کی انتظامیہ نے یہ بھی بتایا ہے کہ جسم کے دیگر مقامات پر بھی کتے کے کاٹنے کے زخم ہیں، ابتدائی طور پر بچے کو نیورو کے مسائل لگتے ہیں۔