آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سردیوں میں بیمار ہونے سے کیسے بچا جائے؟

دُنیا کے بیشتر ممالک میں جہاں سردیوں کے موسم کا آغاز ہوگیا ہے یہ موسم بہت سے لوگوں کے لیے خوشگوار ثابت ہوتا ہے جبکہ بہت سے لوگ اِس موسم کو ناپسند کرتے ہیں کیونکہ یہ  اپنے ساتھ بہت سی بیماریاں بھی لے کر آتا ہے جیسے نزلہ زکام، بُخار اور کھانسی وغیرہ۔

موسم سرما میں بیماریوں سےبچنے کے لیے ہم بہت سی دوائیاں لیتے ہیں لیکن پھر بھی پوری طرح سے ٹھیک نہیں ہوپاتے ہیں، ان سے بچنے کے 5 طریقے آج ہم آپ کو بتاتے ہیں۔

موسم سرما میں بیماری سے بچنے کےطریقے:

صحت مند غذائیں کھائیں:

موسم سرما میں سب سے زیادہ ضروری ہے کہ صحت مند غذا کا انتخاب کریں کیونکہ جب آپ صحت مند غذا لیں گے، تب ہی آپ تندرست رہیں گے، صحت مند غذا سب سے پہلی چیز ہے جو سردیوں میں ہونے والے انفیکشن اور وائرس کے خلاف لڑنے میں مدد کرتی ہے۔

ان صحت مند غذاؤں میں مچھلی، دالیں، تازہ سبزیاں، تازہ پھل ،گری دار میوے، انڈے اور گوشت شامل ہیں، یہ سب غذائیں لینے سے آپ بہت سی بیماریوں سے محفوظ رہیں گے اور آپ کا نظامِ ہاضمہ بھی بہتر رہے گا۔

ورزش:

ورزش بھی بہت سی بیماریوں سے بچنے کے لیے ایک اہم اور بنیادی جز ہے، سردیوں میں خود کو صحت مند اور توانا رکھنے کے لیے ضروری ہے کہ روزانہ ورزش کی جائے، ورزش میں آپ یوگا بھی کرسکتے ہیں اور واک بھی کرسکتے ہیں۔

روزانہ ورزش کرنے سے آپ کے جسم میں موجود زائد کیلوریز کم ہوتی ہیں اور اِس کے علاوہ کھانسی اور نزلہ زکام جیسی بیماریوں کا دفاع کرنے میں بھی مدد کرتی ہے، اگر آپ کو دمہ یا دِل کی بیماری ہے تو آپ کے لیے ضروری ہے کہ جب آپ گھر سے باہر واک کرنے جائیں تو پیوریفائنگ ماسک پہن لیں، اِس سے آپ باہر کی آلودگی سے بھی بچ جائیں گے۔

ہائیڈریٹ:

سردیوں میں پیاس کم لگتی ہے جس کی وجہ سے بعض افراد پانی کم پیتے ہیں اور اِس کے نتیجےمیں پانی کی کمی ہوجاتی ہے،اس لیے ضروری ہے کہ روزانہ زیادہ سے زیادہ پانی پیا جائے۔

پانی کے زیادہ استعمال سے آپ کو قبض کی شکایت نہیں ہوگی اور نظام ہاضمہ بھی اچھے سے کام کرے گا، اِس کے علاوہ آپ کی جِلد بھی خُشک نہیں ہوگی۔

نیند پوری کرنا:

جس طرح سردیوں میں ورزش اور صحت مند غذائیں ضروری ہیں اِسی طرح نیند پوری کرنا بھی بہت زیادہ ضروری ہے، نیند کی کمی سے وزن میں اضافہ ہوتا ہے جس کی وجہ سے ڈپریشن ہوتا ہے، آنکھوں کے نیچے سیاہ حلقے ہوجاتے ہیں اور اِس کے علاوہ بھی بہت سی بیماریوں کی وجہ بنتی ہے۔

خود کو صاف رکھیں اور اپنا خیال رکھیں:

موسم سرما کی بیماریوں سے بچنے کے لیے یہ بھی ضروری ہے کہ آپ اپنی صفائی کا خاص خیال رکھیں، اپنے ہاتھ منہ کو صابن اور پانی سے اچھی طرح دھوئیں، بار بار ناک کو ہاتھ لگانے سے گریز کریں۔

سردی سے بچنے کے لیے گرم کپڑوں کا انتخاب کریں، پیروں میں موزے پہنیں اور جب باہر جائیں تو منہ پر ماسک اور ہاتھوں میں دستانے بھی پہنیں، اپنے سر کو اچھی طرح ڈھانپ کر رکھیں تاکہ سرد ہوا کا اثر آپ کے جسم پر نہ پڑے۔

صحت سے مزید