اوکاڑہ: مسلح افراد کی فائرنگ،1 شخص جاں بحق

08 دسمبر ، 2019

پنجاب کے ضلع اوکاڑہ کے نواحی قصبے 25 ٹو ایل میں مسلح افراد کی فائرنگ کے نتیجے میں ایک شخص جاں بحق ہو گیا۔

پولیس کے مطابق اوکاڑہ کے قصبے 25ٹو ایل میں نامعلوم مسلح ملزمان نے فائرنگ کر کے آصف نامی شخص کو ~~قتل~~ کر دیا اور فرار ہو گئے۔

پولیس کے مطابق یہ قتل دشمنی یا ڈکیتی کا شاخسانہ لگتا ہے، مقتول کی لاش پوسٹ مارٹم کے لیے اسپتال منتقل کی گئی ہے۔

پولیس نے قتل کے واقعے کی رپورٹ درج کر کے ملزمان کی تلاش شروع کر دی ہے۔

اوکاڑہ میں ہی پیش آئے تازہ واقعے میں حجرہ شاہ مقیم میں سسرالیوں نے بہو کو تشدد کا نشانہ بنایا ہے، جبکہ سسر نے بہو کے سر کے بال بھی مونڈ دیے۔

پولیس نے متاثرہ خاتون کے سسر اور نند کو گرفتار کرلیا ہے، جبکہ تشدد کا نشانہ بننے والی عالیہ بی بی کو طبی معائنے کے لیے اسپتال منتقل کیا گیا ہے۔

تازہ ترین

عید الاضحیٰ، کراچی میں مویشی منڈی کب لگے گی؟