• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیچہ وطنی: دھند سے 2 حادثات، 4 افراد زخمی

تازہ ترین
قومی خبریں
18 دسمبر ، 2019

پنجاب اور سندھ کے کئی اضلاع میں شدید دھند


پنجاب کے کئی شہروں اور سندھ کے کچھ علاقوں میں شدید دھند کے باعث سردی کی شدت میں اضافہ ہو گیا ہے۔

چیچہ وطنی میں قومی شاہراہ پر دھند کے باعث پیش آنے والے ٹریفک کے 2 حادثات کے نتیجے میں خاتون سمیت 4 افراد زخمی ہو گئے۔

پنجاب دھند کی لپیٹ میں، ٹریفک، فلائٹ شیڈول متاثر

پنجاب کے بیشتر میدانی علاقے گہری دھند کی لپیٹ میں...

فیصل آباد میں شدید دھند کے باعث موٹر وے ایم تھری اور ایم فور ٹریفک کے لیے بند کر دی گئی ہیں۔

پنجاب کے میدانی علاقوں میں دھند میں اضافہ ہونے کے باعث موٹر وے ایم 2 کو لاہور سے کوٹ سرور انٹر چینج اور لاہور ملتان موٹر وے ایم تھری کو سمندری تک بند کر دیا گیا ہے۔

ترجمان موٹر وے پولیس کے مطابق دھند کی وجہ سے حدِ نگاہ صفر ہو گئی ہے۔

یہ بھی پڑھیئے: ملک کے بالائی علاقوں میں سردی، پنجاب میں دھند کا راج

قومی شاہراہ پر چوہنگ، رینالہ خورد اور اوکاڑہ میں دھند ٹکڑیوں میں ہے جو زیادہ خطرناک ہو سکتی ہے۔

موٹر وے پولیس نے ڈرائیوروں کو ہدایت کی ہے کہ فوگ لائٹس کا استعمال کریں اور مدد کے لیے ہیلپ لائن 130 سے رابطہ کریں۔

تازہ ترین