آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جے یو آئی کی جانب سے بدامنی اور پولیس زیاتیوں کے خلاف احتجاج

جیکب آباد(نامہ نگار) جمعیت علماء اسلام تحصیل جیکب آباد کی جانب سے بدامنی اور پولیس کی زیاتیوں کے خلاف دفتر سے احتجاجی جلوس تعلقہ صدر عبدالجبار رند،حماد اللہ انصاری،مولانا شبیر شیخ،صدیق رواہی،حافظ عبدالغفار جکھرانی کی قیادت میں نکالا گیا مظاہرین نے شہر کے مختلف راستوں پر مارچ کیا اور ڈی سی چوک پر دہرنا دیکر بیٹھ گئے جس کے باعث روڈ بلاک اور ٹریفک معطل ہو گئی اس موقع پر رہنماؤں نے خطاب کرتے ہوئے کہا کہ شہر میں بدامنی نے عوام کا جینا محال کر دیا ہے چوری کی آئے روز وارداتوں کے باوجود پولیس خاموش تماشائی بنی ہوئی ہے شکایت کرنے والوں کو پریشان کیا جا رہا ہے پولیس تلاشی کے بہا نے تھانے لے جاتی ہے اور رشوت نہ دینے پر چالان کیا جاتا ہے۔ تحقیقات میں کیس جھوٹے ثابت ہوتے ہیں ۔ انہوں نے مطا لبہ کیا کہ ایس ایچ او گڑھی خیرو کے خلاف کاروائی کی جائے اور شہر میں امن قائم کرایا جائے۔

سندھ بھر سے سے مزید