مریم نے نواز شریف کو اس حال تک پہنچایا، شیخ رشید

وفاقی وزیر شیخ رشید نے کہا ہے کہ سابق وزیراعظم نواز شریف کی صاحبزادی مریم نواز نے اپنے والد کو اس حال تک پہنچایا ہے۔

ایک بیان میں شیخ رشید نے کہا کہ مریم نواز نہ ہوتیں تو نواز شریف یہاں نہ ہوتے۔

انہوں نے کہا کہ ڈان لیکس اور دوسری باتوں کی بنیاد پر جو عمارت تعمیر کی جارہی تھی وہ ناقص اور تکلیف دہ تھی۔

اس سے قبل شیخ رشید یہ بھی کہہ چکے ہیں کہ اپوزیشن لیڈر شہباز شریف میری پارٹی کے ہیں، وہ مارچ میں آنے کا ارادہ رکھتے ہیں۔

شہباز شریف میری پارٹی کے ہیں، شیخ رشید

شیخ رشید احمد نے کہا کہ نواز شریف آ نہیں رہے اور مریم نواز جا نہیں رہیں, مولانا فضل الرحمان پر آرٹیکل 6 لگانے کا حامی نہیں ہوں.

انہوں نے یہ بھی کہا کہ میں نے شہباز شریف کو پیغام دیا ہے کہ لندن میں مزے کریں، جب اپوزیشن لیڈر آئیں گے تو ہم مل کر گڈی گڈی کھیلیں گے۔

وفاقی وزیر نے واضح الفاظ میں کہا کہ سابق وزیراعظم نواز شریف آ نہیں رہے ہیں اور مریم نواز جا نہیں رہی ہیں۔

انہوں نے کہا کہ نون لیگ اور پیپلز پارٹی کوئی تحریک نہیں چلائیں گی، میں مولانا فضل الرحمان پر آرٹیکل 6 لگانے کا حامی نہیں ہوں، وزیر ریلوے کا کہنا تھا کہ اللّٰہ کے بعد میں خود اپنا وکیل ہوں۔