فرمان الہی
نماز کے اوقات
سابقہ گلوکارہ رابی پیرزادہ کا کہنا ہے کہ جو مرد عورت کو گالی دیتا ہے وہ مرد نہیں ہوتا۔
گزشتہ روز ڈراما نگار خلیل الرحمان قمر نے اخلاقیات کی دھجیاں اُڑادیں، ایک ٹی وی شو میں گفتگو کی تہذیب بھول کر آپے سے باہر ہوگئےتھے۔
خلیل الرحمان نے خاتون سماجی کارکن سے بد زبانی کی اور گالم گلوچ پر اُتر آئے تھے جس کے بعد سےخلیل الرحمان سوشل میڈیا پر ٹاپ ٹرینڈ چل رہے ہیں اور ہر ایک اُن کی اِس بد اخلاقی پر اُن کے بارے میں کچھ نہ کچھ کہتا نظر آرہا ہے۔
اِسی حوالے سے گزشتہ روز سابقہ گلوکارہ رابی پیرزادہ نے مائیکرو بلاگنگ سائٹ ٹوئٹر پر اپنی ماضی کی زندگی کی تصاویر کا ایک کولاج شیئر کیا جس میں وہ گلوکاری کر رہی ہیں اور اُس کے ساتھ ہی اُنہوں نےاپنی حال کی ایک تصویر بھی شیئر کی جس میں وہ پینٹنگ کر رہی ہیں۔
رابی پیرزادہ نے اپنی یہ تصاویر شیئر کرتے ہوئے ٹوئٹر پر لکھا کہ ’میرا جسم میرے اللّہ کی مرضی، یہ میں نے ناصرف کہا بلکہ کرکے بھی دکھایا۔‘
سابقہ گلوکارہ نے لکھا کہ ’میں نے دولت، شہرت، پیسہ سب چھوڑدیا، کیوں؟ کیونکہ اگر اللّٰہ راضی ہوگا تو تب ہی میری آخرت جنت ہوگی۔‘
اُنہوں نے اپنے ٹوئٹ میں خلیل الرحمان کو مخاطب کرتے ہوئے لکھا کہ ’مگر خلیل الرحمان صاحب ایک عور ت کو گالی دینا اچھا نہیں لگتا۔‘
اُنہوں نے لکھا کہ ’اور جو عورت اپنے جسم کو اللّہ کی مرضی سے آزاد کر دیتی ہے وہ عورت نہیں ہوتی۔‘
