پاکستان تحریک انصاف کے سینیٹر فیصل جاوید خان نے وزیر اعظم عمران خان کا کورونا ٹیسٹ مثبت آنے کی خبر کو غلط قرار دے دیا ہے۔
تحریک انصاف کے رہنما نے اپنے سوشل میڈیا اکاؤنٹ پر ایک پیغام میں لکھا کہ الحمد ﷲ وزیر اعظم عمران خان سے متعلق کورونا کے مثبت ٹیسٹ کی خبر غلط ہے۔
سینیٹر فیصل جاوید نے اس حوالے سے مزید لکھا کہ برائے مہربانی ’’آرائز ٹی وی‘‘ اپنی خبر درست کرے اور جعلی خبریں پھیلانے سے گریز کیا جائے۔
انہوں نے اپنے پیغام کے آخر میں لکھا کہ ﷲ تعالیٰ سب کو سلامت رکھے۔