آپ آف لائن ہیں
پیر 9؍ شوال المکرم 1441ھ یکم جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کورونا: انگلش ویمن کرکٹرز بھی رضاکار مہم میں شامل

عالمی وبا کورونا وائرس کے باعث برطانیہ کے قومی ادارہ برائے صحت کی رضاکار مہم میں انگلینڈ کی خواتین کرکٹرز بھی پیش پیش ہیں، انگلش ویمن ٹیم کی کپتان ہیتھر نائٹ اور انٹرنیشنل آل راؤنڈر سوفی ڈنکلے بھی مہم میں شامل ہوگئیں۔

کورونا وائرس کی وبا سے تقریباً پوری دنیا متاثر ہوئی ہے، ایسے میں برطانوی ادارہ برائے صحت نے رضاکار مہم کا آغاز کیا ہے، جس میں انگلینڈ کی خواتین کرکٹرز بھی پیش پیش ہیں، انگلش ویمن کرکٹ ٹیم کی کپتان ہیتھر ناٹ اور انٹرنیشنل آل راؤنڈر سوفی ڈنکلے بھی مہم کا حصہ بن گئی ہیں، دونوں کرکٹر طبی عملے کی معاون کے طور پر کام کریں گی۔

کپتان ہیتھر نائٹ کا کہنا ہے کہ کورونا وائرس کے باعث ہمارے پاس بہت وقت ہے، میں نے گھروں میں تنہا رہنے والوں اور آئسولیشن اختیار کرنے والوں سے رابطے میں رہنے کے ساتھ ساتھ میڈیسن بھی مہیا کرنے کے لیے اپنی خدمات پیش کی ہیں۔

انہوں نے کہا کہ اہم بات یہ ہے کہ جتنا ہوسکے دوسروں کی مدد کرنے کی کوشش کریں۔ ان کا مزید کہنا ہے کہ مہم جوائن کرنے کا مقصد یہ ہے کہ اس صورتحال میں اپنا تھوڑا سا حصہ ڈال سکوں۔

واضح رہے کہ نیشنل ہیلتھ سروس کی رضاکارانہ مہم میں پانچ لاکھ افراد شامل ہوچکے ہیں۔

کھیلوں کی خبریں سے مزید