بیلجیئم, کورونا سے اموات کی تعداد 828 ہوگئی

بیلجیئم میں جان لیوا کورونا وائرس سے اموات کی تعداد میں اضافہ ہوگیا اور مرنے والوں کی تعداد 828 تک جا پہنچی ہے۔

گذشتہ 24 گھنٹوں کے دوران 4255 ٹیسٹ کرنے کے بعد 1189 شہری کرونا پازیٹیو آئے ہیں، اس طرح بیلجیئم میں اس وائرس سے متاثرہ مریضوں کی مجموعی تعداد 13964 ہوگئی ہے ۔

بیلجیئم میں کورونا سے 705 افراد ہلاک

بیلجیئم کی فیڈرل ہیلتھ منسٹری کے مطابق گذشتہ 24گھنٹے کے دوران 876 نئے پازیٹیو کیسسز کے ساتھ بیلجیئم میں ابتک واضح نشاندہی شدہ افراد کی تعداد 12775 تک جا پہنچی ہے ۔ اسی طرح اتوار اور پیر کے درمیانی 24 گھنٹے میں 485 نئے مریضوں کو ہسپتال پہنچایا گیا ۔

بیلجئین ہیلتھ منسٹری کے مطابق گذشتہ 24 گھنٹے میں 123 افراد کروناوائرس سے ہلاک بھی ہوگئےہیں، مرنے والوں کی تعداد 828 تک جا پہنچی ہے۔

فیڈرل ہیلتھ منسٹری کی جانب سے فراہم کردہ اعدادوشمار میں مزید آگاہ کیا گیا ہے کہ اس وقت مختلف ہسپتالوں میں 834 لوگ سانس فراہم کرنے والے وینٹیلیٹرز پر ہیں ، انتہائی نگہداشت کا نظام 54 فیصد بھر چکا ہے ۔

بیلجیئم میں بغیر علامات کے 8 فیصد کورونا مریض

بیلجیئم میں 8 فیصد لوگ ایسے ہیں جن میں بیماری کی کوئی ایک بھی علامت نہیں لیکن یہ کرونا وائرس کا شکار ہو چکے ہیں ، یہ بات بیلجیئم کے دارالحکومت برسلز کےیو زیڈ اسپتال کے شعبۂ ریڈیالوجی نے بتائی ہے۔

فیڈرل ہیلتھ منسٹری نے عوام سے مزید اپیل کی ہے کہ اگر 2 ہفتے لاک ڈاؤن میں گزارنے کے بعد بھی کسی میں کرونا وائرس کی علامات ظاہر نہیں ہوئیں تو وہ پہلے ہی کی طرح اپنے آپ کو محدود رکھیں کیونکہ اس وائرس کے بارے میں خدشہ ہے کہ اس کی علامات کسی میں موجود نہ بھی ہوں تو وہ اسے پھیلانے کا سبب ضرور بن سکتا ہے ۔