امریکا کا میر جاوید رحمٰن کی وفات پر اظہار افسوس

امریکا نےجنگ گروپ کے چیئرمین اور پبلشر میر جاوید رحمٰن کی وفات پر افسوس کا اظہار کیا ہے۔

امریکی معاون نائب وزیر خارجہ ایلس ویلز نے ایک بیان میں کہا کہ میر جاوید رحمٰن پاکستان میں آزاد صحافت کی اہم آواز تھے، ان کی کمی محسوس کی جائے گی۔

امریکی سفارتخانے کے ڈپٹی ترجمان اسکاٹ رابنس نے بھی میر جاوید رحمٰن کے انتقال پر افسوس کا اظہار کیا۔

انہوں نے مزید کہا کہ وہ میر جاوید رحمٰن کے اہلخانہ سے ان کی وفات پر تعزیت کرتے ہیں۔