آپ آف لائن ہیں
ہفتہ7؍شوال المکرم 1441ھ30؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

13 سالہ فلسطینی طالبہ ٹیچر بن گئی

عالمی وبا کورونا کے باعث دنیا بھر میں لاک ڈاؤن کی صورتحال ہے، ایسے میں فلسطین سے تعلق رکھنے والی 13 سالہ فجر حمید نے اپنے تئیں ایک انوکھا اقدام اٹھاتے ہوئے عارضی اسکوم کھول لیا۔

فلسطینی طالبہ فجر حمید نے لاک ڈاؤن میں بہترین وقت گزاری کیلئے اپنے آس پاس رہنے والے بچوں کو تعلیم دیتی ہیں۔

یاد رہے کہ کورونا وائرس کے ممکنہ پھیلاؤ کے پیشِ نظر غزہ کی پٹی میں تمام اسکول مارچ میں بند کر دیے گئے تھے لیکن فجر اپنے عارضی اسکول میں بچوں کو پابندی سے پڑھا رہی ہے۔

غیر ملکی میڈیا سے بات چیت کرتے ہوئے فجر نے کہا کہ لاک ڈاؤن کے دوران انہیں خیال گزرا کہ وہ اس فارغ وقت بہترین طریقے سے گزارنے کیلئے کیوں نہ بچوں کو تعلیم دیں ۔

انہوں نے کہا کہ طویل تعطیلات میں پرائمری جماعت کے بچے سب کچھ بھول بھال جائیں گے، اس لیے اب وہ ان کی پڑھائی کو جاری رکھ رہی ہیں۔

فجر حمید کے عارضی اسکول میں تقریباً 15 بچے زیر تعلیم ہیں جنہیں وہ  انگریزی، عربی اور حساب پڑھاتی ہیں۔

فجر کا کہنا ہے کہ انہیں پڑھانے میں بہت لطف آتا ہے، ان کا خیال ہے کہ وہ بڑی ہو کر بھی درس و تدریس کے پیشے سے منسلک ہوں گی۔

13 سالہ فلسطینی طالبہ کا کہنا تھا کہ اُن کا علاقہ کافی پسماندہ ہے، وہ بڑے ہوکر ایک بڑا اسکول کھولنے کا ارادہ بھی رکھتی ہیں۔

خاص رپورٹ سے مزید