کورونا مریضوں کی تعداد خطرناک حد تک بڑھ گئی ہے: سلیم منڈوی والا

ڈپٹی چیئرمین سینیٹ سلیم مانڈوی والا نے ملک میں کورونا کے مریضوں کی خطرناک حد تک بڑھتی ہوئی تعداد پر تشویش کا اظہار کیا ہے۔

سلیم مانڈوی والا کا کہنا ہے کہ کوروناوائرس کےمریضوں کی تعداد خطرناک حد تک بڑھ گئی ہے، مریضوں کی تعداد میں اضافے سے اسپتالوں میں جگہ نہیں رہی۔

انہوں نے کہا کہ کراچی، اسلام آباد اور لاہور کے اسپتالوں میں مزید مریضوں کیلئے جگہ نہیں رہی، اسپتالوں میں گنجائش نہ ہونے کے باعث انتظامیہ نے مریضوں کو گھر بھیجنا شروع کردیا ہے۔

سلیم مانڈوی والا کا کہنا ہے کہ جن شہروں میں پہلے ہی طبی سہولیات کی کمی تھی وہاں اور برے حالات ہیں،اسپتالوں کی یہ حالت انتہائی تشویشناک ہے۔

ڈپٹی چیئرمین سینیٹ کا کہنا تھا کہ حکومت اس مسئلہ کی طرف توجہ نہیں دے رہی، حالات پر قابو پانے کے لئے فوری عملی اقدامات کئے جائیں۔