آپ آف لائن ہیں
منگل 15؍ذیقعد 1441ھ 7؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گھر کے ایئرکنڈیشنر سے 40 خطرناک سانپ برآمد

بھارتی ریاست اترپردیش کے ضلع میرٹھ میں ایک کسان کے گھر میں لگے ایئرکنڈیشنر سے چالیس سانپ برآمد ہوگئے۔

پولیس کے مطابق شاردھند نامی کسان نے اپنے گھر میں ایک سانپ کا بچہ دیکھا۔

کسان نے سانپ کے بچے کو دیکھتے ہی اُسے پکڑا اور گھر سے باہر پھینک دیا، تھوڑی دیر بعد وہ جب اپنے کمرے میں سویا تو اُسے بستر پر تین سانپ ایک ساتھ نظر آئے۔

کسان فوری طور پر اٹھ کے بیٹھا تو اُس کی نظر ایئرکنڈیشنر پر پڑی جہاں بہت سارے سانپ موجود تھے۔

یہ خبر دیکھتے ہی دیکھتے پورے گاؤں میں پھیل گئی جس کے بعد پڑوسی شاردھند کی مدد کو پہنچے اور پھر انہوں نے ایک ایک کر کے سارے سانپ پکڑ کر انہیں ایک کپڑے کے تھیلے میں ڈالا اور انہیں قریبی جنگل میں چھوڑ دیا۔

دلچسپ و عجیب سے مزید