فرمان الہی
نماز کے اوقات
پاکستان فلم و ٹی وی انڈسٹری کی مقبول ترین اداکارہ عائشہ نے بھی شہرہ آفاق ترک سیریز ’ارطغرل غازی‘ دیکھنا شروع کردی ہے۔
اسلامی فتوحات پر مبنی ترک سیریز ’ارطغرل غازی‘ کو اُردو زبان میں ڈب کرکے پاکستان کے سرکاری ٹی وی چینل پر نشر کرنے کے حوالے سے جہاں کچھ شوبز ستارے خفا ہیں تو وہیں متعدد فنکار ایسے بھی ہیں جو ’ارطغرل غازی‘ کو دیکھتے ہوئے اس کی بڑی تعریف کرتے نظر آرہے ہیں۔
ان ہی فنکاروں میں معروف اداکارہ عائشہ عمر بھی شامل ہیں جن کی جانب سے ارطغرل غازی کی تعریف میں ایک خصوصی پوسٹ سامنے آئی ہے۔
فوٹو اور ویڈیو شیئرنگ ایپ انسٹاگرام پر عائشہ عمر نے ماضی کی وہ یادگار تصویر پوسٹ کی جب وہ ترکی گئی تھیں اور اس تصویر میں اداکارہ ترکی کے شہر استنبول کی تاریخی مسجد ’بلیو مسجد(سلطان احمد مسجد)‘ کے باہر موجود ہیں۔
تصویر پوسٹ کرتے ہوئے عائشہ عمر نے اپنے مداحوں کو آگاہ کیا کہ اُنہوں نے بھی ’ارطغرل غازی‘ دیکھنا شروع کردیا ہے۔
عائشہ عمر نے لکھا کہ ’میں نے ارطغرل غازی دیکھنا شروع کیا تو مجھے ایک مرتبہ پھر سے ترکی کی خوبصورتی یاد آگئی۔‘
واضح رہے کہ اس سے قبل عائشہ عمر نے ’ارطغرل غازی‘ میں حلیمہ سلطان کا کردار ادا کرنے والی ترک اداکارہ اسرا بلجک کے لیے اپنی انسٹاگرام اسٹوری میں محبت بھرا پیغام جاری کیا تھا۔
عائشہ عمر نے اپنی انسٹاگرام اسٹوری میں اسرا بلجک کے اس فوٹو شوٹ کے پوسٹر کی تصویر شیئر کی تھی جو اُنہوں نے پہلی بار ایک پاکستانی میگزین کے لیے کیا ہے۔
انسٹاگرام اسٹوری میں پوسٹر کی تصویر شیئر کرتے ہوئے عائشہ عمر نے اسرا بلجک کو مخاطب کرتے ہوئے لکھا تھا کہ ’ہیلو حلیمہ، ہم سب آپ سے بہت پیار کرتے ہیں، ہم آپ کے پاکستان آنے کا انتظار نہیں کرسکتے ہیں۔‘
