فرمان الہی
نماز کے اوقات
آئی جی سندھ مشتاق مہر نے دو روز قبل منظور کالونی میں شہید ہونے والے پولیس اہلکار کے قتل کے واقعے کے بعد اہلکاروں کو ڈیوٹی پر آنے اور جانے کے دوران پولیس وردیاں نہ پہننے کی ہدایات جاری کر دی ہے۔
آئی جی سندھ کی جانب سے جاری حکم نامے میں کہا گیا ہے کہ تمام افسران اور اہلکار وردی پہن کر ڈیوٹی پر آنے اور جانے سے گریز کریں۔
حکم نامے میں مزید کہا گیا ہے کہ ڈیوٹی پر آتے اور جاتے ہوئے مختلف راستوں کا انتخاب کریں، ڈیوٹی کے علاوہ جو بھی افسر یا اہلکار وردی میں پایا گیا تو سخت محکمانہ کارروائی ہوگی۔
آئی جی سندھ کی جانب سے حکم نامے میں افسران و اہلکاروں کو سیکیورٹی کا خاص خیال رکھنے کی بھی ہدایت جاری کی گئی ہے۔
