آپ آف لائن ہیں
پیر19؍ذی الحج 1441ھ 10؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پنجاب کابینہ میں شامل چاروزراء کے سر پر خطرے کی تلوار لٹک گئی

لاہور(آن لائن) پنجاب کی صوبائی کابینہ میں شامل چار وزراء کے سر پر خطرے کی تلوار لٹک گئی ہے۔ اس سلسلے میں پی ٹی آئی ذرائع کا کہنا ہے کہ مذکورہ وزراء جن میں ڈاکٹر مرادراس، اجمل چیمہ، اعجاز عالم سمیت ایک اور وزیر شامل ہیں، میں سے دو وزراء کا قلم دان تبدیل کئے جانے کا امکان ہے جبکہ دیگر دو وزراء کی وزارت ختم کئے جانے کا امکان ہے ذرائع کے مطابق جن دو وزراء کا قلم دان تبدیل کیا جاسکتا ہے۔

ان میں ڈاکٹر مرادراس اور ایک اور وزیر شامل ہیں جبکہ صوبائی وزیر اجمل چیمہ اور اعجاز عالم سے ان کی وزارتوں کا قلم دان واپس لیا جاسکتا ہے۔ یہ بھی بتایا گیا ہے کہ پنجاب کی صوبائی کابینہ کے آئندہ اجلاس میں وزیراعلیٰ پنجاب سردار عثمان بزدار مزید 6 صوبائی وزراء کو اپنی کارکردگی بہتر بنانے کی ہدایات کر سکتے ہیں۔

اہم خبریں سے مزید