فرمان الہی
نماز کے اوقات
برازیل اور ریال میڈرڈ کے سابق مایہ ناز ڈیفینڈر روبرٹو کارلوس کی دل کے عارضے کے باعث سرجری کی گئی ہے۔
غیر ملکی میڈیا کے مطابق 52 سالہ روبرٹو کارلوس، جو اس وقت ریال میڈرڈ کے سفیر کے طور پر خدمات انجام دے رہے ہیں، تعطیلات کے دوران اپنے آبائی ملک برازیل میں موجود تھے کہ طبی معائنے میں دل کی کارکردگی میں خرابی سامنے آئی۔
رپورٹ کے مطابق روبرٹو کارلوس ابتدا میں ٹانگ میں خون کے معمولی لوتھڑے کی جانچ کے لیے ٹیسٹ کروا رہے تھے، تاہم مکمل ایم آر آئی اسکین میں دل کے مسائل کی نشاندہی ہوئی، جس کے بعد انہیں اسپتال میں داخل کیا گیا، جہاں ان کی سرجری کی گئی۔
روبرٹو کارلوس اس وقت خطرے سے باہر ہیں، تاہم انہیں احتیاطی طور پر مزید 48 گھنٹے اسپتال میں زیرِ نگرانی رکھا جائے گا۔
واضح رہے کہ روبرٹو کارلوس فٹبال کی تاریخ کے بہترین اٹیکنگ لیفٹ بیکس میں شمار ہوتے ہیں۔
انہوں نے برازیل کی جانب سے 125 میچز کھیلے، دو ورلڈ کپ فائنلز (1998 اور 2002) کا حصہ رہے اور 2002 میں عالمی کپ جیتا۔ وہ ریال میڈرڈ کے ساتھ تین بار چیمپئنز لیگ کے فاتح بھی رہے۔
