کراچی: رینجرز اور پولیس کا مختلف علاقوں میں کومبنگ آپریشن

کراچی میں رینجرز اور پولیس نے شہر کے مختلف علاقوں میں کومبنگ آپریشن کیا۔

ترجمان سندھ رینجرز نے کہا کہ آپریشن پہلوان گوٹھ، ملیر، گلشن اقبال، الیاس گوٹھ میں کیا گیا۔

ترجمان سندھ رینجرز نے کہا کہ ابراہیم حیدری، کورنگی، سراج کالونی لیاقت آباد، سرجانی ٹاؤن میں بھی کومبنگ آپریشن کیا گیا، جبکہ آپریشن جرائم پیشہ افراد کی موجودگی کی اطلاع پر کیا گیا۔

انہوں نے کہا کہ آپریشن کے دوران مخصوص گلیوں کی ناکہ بندی کرکے گھر گھر تلاشی کا عمل کیا گیا۔

سندھ رینجرز نے کہا کہ مشتبہ افراد کی بائیو میٹرک ویریفکیشن کی گئی، جبکہ آپریشن میں داخلی خارجی راستوں پر تمام افراد اور گاڑیوں کو چیک کیا گیا۔