عائشہ عمر اور اسراء بلجیک کی دوستی پروان چڑھنے لگی

پاکستان فلم و ٹی وی انڈسٹری کی مقبول ترین اداکارہ عائشہ اور شہرہ آفاق ترک سیریز ’ارطغرل غازی‘ میں حلیمہ سلطان کا کردار ادا کرنے والی ترک اداکارہ اسراء بلجیک کی دوستی پروان چڑھنے لگی ہے۔

اداکارہ عائشہ عُمر جو کہ اکثر اپنے سوشل میڈیا پیغامات میں اسراء بلجیک کے کام کو سراہتی نظر آتی ہیں اب اُنہوں نے تُرک اداکارہ کی جانب دوستی کا ہاتھ بڑھا لیا ہے۔

عائشہ عُمر نے فوٹواور ویڈیو شیئرنگ ایپ انسٹاگرام پر اسراء بلجیک کو فالو کرلیا ہے جس کے بعد یہ خبر بڑی ہی تیزی سے سوشل میڈیا پر وائرل ہوگئی ہے۔

دوسری جانب ترک اداکارہ اسراء بلجیک نے بھی اپنے تصدیق شدہ انسٹاگرام اکاؤنٹ سے عائشہ عُمر کو فالو کرلیا ہے۔

پاکستان اور ترک اداکاراؤں کی جانب سے ایک دوسرے کو انسٹاگرام پر فالو کرنا دونوں ممالک کی فنی صنعت کے لیے ایک مثبت عمل سمجھا جا رہا ہے۔

واضح رہے کہ گزشتہ دنوں عائشہ عمر نے اپنی انسٹاگرام اسٹوری میں اسراء بلجیک کے پاکستانی میگزین کے لیے پہلے فوٹو شوٹ کے پوسٹر کی تصویر شیئر کی تھی۔

عائشہ عمر، حلیمہ سلطان کی پاکستان آمد کیلئے بےتاب

پاکستان فلم و ٹی وی انڈسٹری کی مقبول ترین اداکارہ عائشہ نے ترک سیریز ’ارطغرل غازی‘ میں حلیمہ سلطان کا کردار ادا کرنے والی ترک اداکارہ اسرا بلجک کے لیے سوشل میڈیا پر محبت بھرا پیغام جاری کیا ہے۔

انسٹاگرام اسٹوری میں پوسٹر کی تصویر شیئر کرتے ہوئے عائشہ عمر نے اسراء بلجیک کو مخاطب کرتے ہوئے لکھا تھا کہ ہیلو حلیمہ، ہم سب آپ سے بہت پیار کرتے ہیں اور ہم آپ کے پاکستان آنے کا انتظار نہیں کرسکتے۔

دوسری جانب جب سے اسراء بلجیک ایک پاکستانی موبائل فون کمپنی کی برانڈ ایمبیسڈر بنی ہیں تو اُس کے بعد سے کچھ پاکستانی فنکاروں کی جانب سے شدید برہمی کا اظہار کیا جا رہا ہے لیکن اس صورتحال میں بھی عائشہ عُمر نے ترک اداکارہ کی حمایت کی۔

عائشہ عُمر نے اپنے ٹوئٹر پیغام میں لکھا تھا کہ وہ اِس بات کی حمایت کریں گی کہ غیر ملکی فنکار پاکستانی برانڈز کی توثیق کریں کیونکہ یہ ہمارے برانڈز کو بین الاقوامی سطح پر مقبول بنانے کا ایک اہم ذریعہ ہے۔

اداکارہ نے لکھا تھا کہ ہمارا ملک پاکستان غیر ملکی ستاروں کا استقبال کرنے کا منتظر ہے آئیے ہم سب ملکر اِس اچھے کام میں تعاون کریں اور خوشی سے غیر ملکی فنکاروں کا استقبال کریں۔