ضیا الرحمٰن کی کراچی میں تعیناتی کے حقائق سامنے آگئے

جمعیت علماء اسلام (ف) کے سربراہ مولانا فضل الرحمٰن کے بھائی ضیا الرحمٰن کی ڈپٹی کمشنر ضلع وسطی کراچی کے عہدے پر تعیناتی کے حقائق سامنے آگئے۔

جیو نیوز نے ضیا الرحمٰن کی خدمات سندھ کو دیے جانے سے متعلق نوٹیفکیشن حاصل کرلیا۔

ضیا الرحمٰن کی تعیناتی سپریم کورٹ کے فیصلے کی نفی ہے، فیاض الحسن چوہان

وزیر اطلاعات پنجاب فیاض الحسن چوہان نے لاہور میں پریس کانفرنس کرتے ہوئے کہا کہ پچھلے دنوں ٹرائیکا کی میٹنگ ہوئی، نتیجہ ضیا الرحمٰن کی تعیناتی کا نکلا جس کے بعد مولانا فضل الرحمٰن کی جمہوریت اور میثاق جمہوریت کیلئے کوشش پھل آور ہوگئی ہیں۔

وفاق نے مولانا فضل الرحمٰن کے بھائی ضیا الرحمٰن کو سندھ بھیجنے کا حکم نامہ جاری کیا تھا۔

رواں سال جنوری میں وفاق نے 19 ویں گریڈ کے افسر ضیا الرحمٰن کی خدمات سندھ کے حوالے کیں، جس کا نوٹیفکیشن بھی جاری کیا گیا۔

نوٹیفکیشن کے مطابق وفاقی حکومت نے ضیا الرحمٰن کی خدمات ڈیپوٹیشن پر سندھ کو دی ہیں۔