بارش کی پیشگوئی، CAA کا جناح انٹرنیشنل ایئرپورٹ کیلئے الرٹ جاری

محکمۂ موسمیات کی جانب سے تیز بارشوں کی پیش گوئی کے بعد سول ایوی ایشن اتھارٹی نے جناح انٹرنیشنل ایئر پورٹ کراچی کے لیے الرٹ جاری کر دیا۔

سول ایوی ایشن اتھارٹی کی جانب سے کسی بھی ہنگامی صورتِ حال سے نمٹنے اور ایئر پورٹ پر موجود آلات کو موسم کی خرابی کی صورت میں محفوظ مقام پر منتقل کرنے کی ہدایت کی گئی ہے۔

سی اے اے کا طیاروں کو پرندوں سے محفوظ بنانے کیلئے آپریشن

ایوی ایشن ڈویژن نے کہا کہ انٹرنیشنل ایئرپورٹس سمیت گوادر، اسکردو، چترال، ملتان، فیصل آباد اور سکھر میں بھی خصوصی اقدامات کرے گا۔

سول ایوی ایشن اتھارٹی کی جانب سے شعبہ الیکٹریکل کو ٹوٹے ہوئے تاروں اور لائنوں کی مرمت کرنے کا حکم دیا گیا ہے۔

سول ایوی ایشن اتھارٹی کا کہنا ہے کہ ایئر پورٹ کنٹرول ٹاور اور دیگر بلند عمارتوں پر بیکن لائٹس کو بھی درست حالت میں رکھا جائے۔

یہ بھی پڑھیئے:۔

سی اے اے کی بین الاقوامی پروازیں چلانے کی اجازت میں توسیع

سی اے اے کا مزید کہنا ہے کہ مون سون کے دوران ایئر پورٹ پر کیڑے مکوڑوں اور پرندوں کے تدارک کے لیے اسپرے اور شوٹرز تعینات کیے جائیں۔

سول ایوی ایشن اتھارٹی نے یہ بھی ہدایت کی ہے کہ ایئر پورٹ کے گرد ڈرین پائپ اور جھاڑیوں کی کٹائی اور صفائی ستھرائی کو یقینی بنایا جائے۔