بیروت دھماکوں پر عوام کا حکومت مخالف احتجاج

بیروت دھماکوں پر لبنانی عوام نے احتجاج کرتے ہوئےحکومت پرکوتاہی برتنے کا الزام لگایا ہے۔

احتجاج میں شریک مظاہرین نے شہرکےمرکزی علاقے میں جلاؤ گھیراؤ کیا اورسیکیورٹی فورسز پر پتھراؤ بھی کیا۔

مظاہرین کومنتشرکرنےکیلئےسیکیورٹی فورسز نےآنسوگیس کی شیلنگ کی۔

دھماکوں پراردن میں لبنان کےسفیرمروان حمادے نےاستعفیٰ دے دیا۔

دوسری جانب یورپی یونین نےبیروت کیلئے33 ملین یورو کی ہنگامی امداد جاری کردی۔

بیروت دھماکوں نے ساحلی پٹی کو کھنڈر بنا دیا

لبنان کے دارالحکومت بیروت میں ہونے والے دھماکوں نے ساحلی پٹی کو کھنڈر بنا دیا، شہر کی بندرگاہ تقریباً مکمل طور پر تباہ ہو گئی، سیکڑوں افراد بے گھر ہو گئے۔

امریکا کی جانب سے بھی خوراک،پانی اورطبی امداد لبنان پہنچا دی گئی۔

یہ بھی پڑھیے:دھماکوں کے بعد بیروت میں دو ہفتوں کی ایمرجنسی نافذ

واضح رہے کہ دو روز قبل بیروت دھماکے میں 157 افراد جاں بحق جبکہ5 ہزار افراد زخمی ہوئے ہیں۔