• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بارش ہوتے ہی کےالیکٹرک کا سسٹم بیٹھ گیا

تازہ ترین
قومی خبریں
07 اگست ، 2020


کراچی میں بارش ہوتے ہی کےالیکٹرک کا سسٹم بیٹھ گیا، شہر بھر میں 400 سے زائد فیڈر ٹرپ کر گئے۔

کےالیکٹرک کے فیڈرز ٹرپ ہونے سے شہر کے بیشتر علاقوں میں بجلی کی فراہمی معطل ہوگئی۔

کراچی کے مختلف علاقوں میں پانی جمع، گاڑیاں پھنس گئیں

حیدری میں گاڑیاں اور موٹر سائیکل سوار پانی میں پھنس گئے، شہر کی دیگر شاہراہوں پر بھی پانی جمع ہے جبکہ عزیز آباد میں پانی گھروں میں داخل ہوگیا۔

کراچی کے کئی علاقوں میں کل سے اب تک بجلی کی فراہمی بحال ہی نہیں ہوسکی ہے۔

شہر میں بارش کے دوران کل سے اب تک ہونے والے مختلف حادثات میں 3 افراد جاں بحق ہوچکے ہیں۔

ترجمان کےالیکٹرک کا کہنا ہے کہ حالیہ بارشوں میں کرنٹ لگنے کے تمام تر حادثات اندرونی نوعیت کے ہیں۔

ترجمان کے مطابق کرنٹ لگنے کے کسی حادثے کا تعلق کےالیکٹرک کی تنصیبات سے نہیں ہے۔

تازہ ترین