آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو کی گولڑہ شریف آمد، سجادہ نشینان نے اظہار تعزیت


پاکستان پیپلز پارٹی (پی پی پی) کے چیئرمین بلاول بھٹو زرداری نے دربار عالیہ گولڑہ شریف کے سجادہ نشینان سے پیر سید شاہ عبدالحق گیلانی کے انتقال پر تعزیت کا اظہار کیا ہے۔

چیئرمین پی پی بلاول بھٹو زرداری دربار عالیہ گولڑہ شریف کے سجادہ نشینان کی رہائش گاہ پہنچے، جہاں انہوں نے پیر سید معین الحق گیلانی اور پیر سید غلام قطب الحق گیلانی سے ملاقات کی۔

اس موقع پر بلاول بھٹو زرداری نے دربار عالیہ گولڑہ شریف کے سجادہ نشینان سے پیر سید شاہ عبدالحق گیلانی کے انتقال پر تعزیت کی۔

بلاول بھٹو زرداری نے پیر سید شاہ عبدالحق گیلانی کے ایصال ثواب کے لیے فاتحہ خوانی بھی کی۔

پارٹی رہنما نیر بخاری، راجا پرویز اشرف، مصطفیٰ نواز کھوکھر اور قاسم گیلانی بھی اس موقع پر بلاول بھٹو کے ہمراہ تھے۔

بلاول بھٹو زرداری نے دربار عالیہ گولڑہ شریف کے سجادہ نشینان کی جانب سے دیئے گئے ظہرانے میں بھی شرکت کی۔

اس موقع پر چیئرمین پیپلز پارٹی اور دربار عالیہ گولڑہ شریف کے سجادہ نشینان کے درمیان مختلف امور پر تبادلہ خیال بھی ہوا۔

قومی خبریں سے مزید