آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شاہ محمود کا شہباز اور بلاول کو شکریہ کا خط

شاہ محمود کا شہباز اور بلاول کو شکریہ کا خط


وزیرخارجہ شاہ محمود قریشی نے ایف اے ٹی ایف اور کشمیر سے متعلق اجلاس میں شرکت پر اپوزیشن لیڈر شہباز شریف اور بلاول کو شکریہ کے خطوط ارسال کیے ہیں۔

شاہ محمود قریشی نے خط میں کہا ہےکہ پارلیمنٹ کے مشترکہ اجلاس میں حکومتی اور اپوزیشن جماعتوں کی بالغ نظری قابل تحسین ہے، میں اپوزیشن کے مثبت رویے کی تعریف فلور آف دی ہاؤس پربھی کر چکا ہوں، حکومت اور اپوزیشن نے پھرثابت کیا کہ قومی مفادات میں تمام سیاسی جماعتوں کامؤقف ایک ہے۔

وزیرخارجہ نے خط میں لکھا کہ مقبوضہ کشمیر میں بھارت کے 5 اگست 2019 ءکے غیر آئینی اقدام کو متفقہ طورپر مستردکیا گیا، مقبوضہ جموں وکشمیرمیں انسانی حقوق کی سنگین خلاف ورزیوں کو دنیا کے ہر فورم پر اٹھایا جب کہ پچھلے ایک سال میں اقوام متحدہ سییکورٹی کونسل میں تین مرتبہ کشمیرکو زیربحث لایا گیا۔

شاہ محمودقریشی نے لکھا کہ 55 سال کے بعد مسئلہ کشمیر پر سیکیورٹی کونسل میں مباحثہ ہوا، کشمیر سمیت اہم قومی معاملات پر ہم اپوزیشن کو ساتھ لےکر چلنے کے متمنی ہیں، اپوزیشن کی قابل عمل تجاویز کو ہمیشہ اہمیت دیتے رہیں گے۔

انہوں نے خط میں مزید لکھا کہ کشمیر پالیسی پر آئندہ کا لائحہ عمل بنانےکے لیے آپ کی مثبت تجاویز کا منتظر رہوں گا۔

قومی خبریں سے مزید