کراچی: کورنگی کاز وے اور لسبیلہ چوک ٹریفک کیلئے بند

کراچی میں کورنگی کازوے اور لسبیلہ چوک کو ٹریفک کی آمد و رفت کے لیے بند کر دیا گیا ہے۔

کراچی ٹریفک پولیس کے مطابق کورنگی کاز وے پر ندی کا پانی آ گیا، جس کے بعد ٹریفک کی آمد و رفت کا راستہ رک گیا ہے اور کاز وے کو ٹریفک کے لیے بند کر دیا گیا ہے۔

کراچی: کورنگی کازوے ٹوٹ گیا، 5 افراد پھنس گئے

کراچی میں جاری مسلسل شدید بارش کے باعث کورنگی...

ٹریفک پولیس کا یہ بھی کہنا ہے کہ ٹریفک کو قیوم آباد اور جام صادق برج کی طرف موڑا جا رہا ہے۔

ادھر لسبیلہ چوک پر ترقیاتی کام جاری ہے جس کے باعث لسبیلہ سے ناظم آباد جانے والا روڈ ٹریفک کے لیے بند کر دیا گیا ہے۔

یہ بھی پڑھیئے: کورنگی انڈسٹریل ایریا میں بدترین ٹریفک جام

کراچی ٹریفک پولیس کے مطابق لسبیلہ چوک آنے والے شہریوں سے متبادل راستہ اختیار کرنے کی درخواست ہے۔

ٹریفک پولیس کی جانب سے گرومندر سے آنے والے ٹریفک کو تین ہٹی کی جانب بھیجا جا رہا ہے، جبکہ گارڈن سے آنے والے ٹریفک کو سولجر بازار کی جانب موڑا جا رہا ہے۔