آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سرگودھا کے زمیندار کی 16 سالہ ملازمہ سے زیادتی

پنجاب کے شہر سرگودھا کی تحصیل بھیرہ میں زمیندار کی جانب سے 16 سالہ گھریلو ملازمہ کو مبینہ طور پر زیادتی کا نشانہ بنایا گیا ہے۔

ملزم طبیعت خراب ہونے پر لڑکی کا علاج بھی کراتا رہا، پولیس نے مقدمہ درج کر کے ملزم کی تلاش شروع کر دی۔

لڑکی کے بھائی کے مطابق زمیندار رب نواز نے گھر میں ملازمت کرنے والی اس کی 16 سال کی بہن سے زیادتی کی، جس سے بہن کی طبیعت خراب ہو گئی۔

لڑکی کے بھائی نے بتایا کہ پہلے تو زمیندار گھر میں ہی علاج کراتا رہا، لیکن طبیعت زیادہ خراب ہونے پر لڑکی کو گورنمنٹ مولا بخش اسپتال سرگودھا منتقل کر دیا۔

یہ بھی پڑھیئے:۔

شجاع آباد، بااثر زمیندار کی 20 سالہ گونگی لڑکی سے زیادتی

بااثر افراد کی خاتون سے کمسن بیٹے اور خاوند کے سامنے اجتماعی زیادتی

بھائی شاہد نے بیان دیا ہے کہ زمیندار نے پولیس کو آگاہ کرنے سے منع کیا اور علاج معالجے کا تمام خرچہ دینے کا کہا تھا۔

پولیس کے مطابق ملزم کے خلاف مقدمہ درج کر کے اس کی تلاش شروع کر دی گئی ہے، جسے جلد گرفتار کر لیا جائے گا۔

قومی خبریں سے مزید