اسکولوں سے متعلق شیڈول نہیں بدلیں گے، شفقت محمود

وفاقی وزیر تعلیم شفقت محمود نے سعید غنی کے بیان کو مسترد کردیا اور کہا کہ اسکولوں سے متعلق شیڈول میں کوئی تبدیلی نہیں ہوگی۔

ایک بیان میں شفقت محمود نے کہا کہ وزیر تعلیم سندھ بیان دینے سے پہلے مشورہ کرلیتے تو اچھا ہوتا۔

انہوں نے مزید کہا کہ اسکولوں سے متعلق شیڈول سب کی مرضی سے بنا، اس میں کوئی تبدیلی نہیں ہوگی۔

سندھ، چھٹی تا آٹھویں کلاسز کھولنے کا فیصلہ مؤخر

عالمی وبا کورونا وائرس کے سبب صوبہ سندھ میں تعلیمی ادارے کھولنے کا دوسرا مرحلہ مؤخر کردیا گیا ہے۔

وفاقی وزیر تعلیم نے یہ بھی کہا کہ 22 ستمبر کو این سی او سی کے اجلاس میں تعلیمی اداروں سے متعلق جائزہ لیں گے۔

ان کاکہنا تھا کہ طے ہوا تھا کہ 22 تاریخ کو جائزہ لے کر پھر فیصلہ کریں گے، لیکن سعید غنی نے اسے قبل ہی مڈل اسکولوں کی نہ کھولنے کا اعلان کردیا۔

شفقت محمود نے کہا کہ 23 ستمبر کو چھٹی تا آٹھویں کی کلاسز شروع کردیں گے اور ہفتے کے بعد صورتحال کاجائزہ لیں گے۔

پرائیویٹ اسکولز ایکشن کمیٹی کا سعید غنی سے استعفے کا مطالبہ

پرویزہارون نے کہا کہ بلاول بھٹواوروزیراعلیٰ وفاقی حکومت اوراین سی اوسی کےفیصلے پر عمل درآمدکروائیں، جبکہ اسکولزمیں شروع ہونے والے تدریسی عمل کو چند ایک شکایات پر مکمل بند نہ کریں۔

اس سے قبل وزیر تعلیم سندھ نے پریس کانفرنس کے دوران کہا تھا کہ صوبے میں ایس او پیز کی خلاف ورزی دیکھی گئی ہے، جس کے باعث چھٹی تا آٹھویں کی کلاسز کھولنے کا فیصلہ موخر کردیا ہے۔

انہوں نے مزید کہا کہ تعلیمی ادارے کھولنے سے متعلق دوسرے مرحلے کو موخر کردیا ہے، ایک ہفتے تک صورتحال دیں گے اور پھر کھولیں گے۔