لڑکی سے عشق، ہم شکل بھائی کو قتل کرنیوالا ملزم گرفتار

19 ستمبر ، 2020

پنجاب کے ضلع سرگودھا میں ایک ہی لڑکی کے عشق میں مبتلا ہو کر رقابت میں ہم شکل جڑواں بھائی کو قتل کرنے والا ملزم پکڑا گیا۔

ملزم نے بھائی کو قتل کرنے کے بعد واقعے کو ڈکیتی کا رنگ دیا تھا، سرگودھا پولیس نے 4 ماہ بعد قاتل بھائی کو گرفتار کر کے قتل کا معمہ حل کر لیا۔

سب انسپکٹر ظہیر وڑائچ کے مطابق ملزم نے 4 ماہ قبل قتل کیئے گئے اپنے ہم شکل جڑواں بھائی کی موت کو ڈکیتی کا رنگ دیا تھا۔

پولیس کے مطابق ہم شکل بھائی سے آلۂ قتل بھی برآمد ہوا ہے جبکہ ملزم نے لڑکی کے لیے اپنے بھائی کو قتل کرنے کا اعترافِ جرم بھی کر لیا ہے۔

یہ بھی پڑھیئے:۔

پولیس کا کہنا ہے کہ دونوں بھائی ایک ہی لڑکی کوپسند کرتے تھے، جبکہ لڑکی ملزم کو پسند کرتی ہے، مقتول لڑکی کو تنگ کرتا تھا جس کا ملزم کو رنج تھا۔

تازہ ترین

پاک نیوزی لینڈ پانچواں ٹی 20 میچ آج ہوگا