آپ آف لائن ہیں
منگل9؍ربیع الاوّل 1442ھ 27؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ترک صدر نے ایک بار پھر اقوام متحدہ میں کشمیر کا مسئلہ اٹھا دیا

ترک صدر رجب طیب اردوان نے ایک بار پھر اقوام متحدہ میں کشمیر کا مسئلہ اٹھا دیا۔

اقوام متحدہ جنرل اسمبلی سے ورچوئل خطاب میں ترک صدر نے کہا کہ مسئلہ کشمیر سلامتی کونسل کی قراردادوں کےتحت حل کیا جائے۔

انہوں نے کہا کہ جنوبی ایشیا کےامن و استحکام کے لیے اہم مسئلہ کشمیر آج تک حل طلب ہے، مسئلہ کشمیر کا حل بات چیت کے ذریعےنکالنے کے حق میں ہیں۔


ترک صدر کا مزید کہنا تھا کہ مسئلہ کشمیر کا حل اقوام متحدہ کی قراردادوں اور کشمیریوں کی خواہشات کے مطابق ہونا چاہیے۔

ان کا مزید کہنا تھا کہ ایران جوہری پروگرام تنازع عالمی قوانین کے مطابق سفارت کاری اور بات چیت سے حل ہونا چاہیے، شام کے مسئلے کا مستقل حل تمام دہشت گرد گروپوں کے خلاف یکساں اور فیصلہ کُن کارروائیوں کے ذریعے ہی نکلے گا۔

صدر اردوان نے خطاب میں آزاد فلسطینی ریاست کا دارالحکومت بیت المقدس کے ساتھ قیام ہی مسئلہ فلسطین کا واحد حل قرار دیا۔

ترک صدر نے اقوام متحدہ سے نیوزی لینڈ حملے کی تاریخ 15 مارچ کو اسلاموفوبیا کے خلاف عالمی یکجہتی کا دن قرار دینے کا بھی مطالبہ کیا۔

بین الاقوامی خبریں سے مزید