• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سعید غنی کا کراچی کے مختلف علاقوں میں تعلیمی اداروں کا دورہ

تازہ ترین
قومی خبریں
23 ستمبر ، 2020


وزیر تعلیم سندھ سعید غنی نے کراچی کے مختلف علاقوں میں تعلیمی اداروں کا دورہ کیا اور گورنمنٹ ڈگری سائنس اینڈ کامرس کالج گلشن اقبال میں پرنسپل کی غیر موجودگی پر شوکاز نوٹس دینے کی ہدایات کردی۔

تمام اسکولز 28 ستمبر سے کھلنے کے پابند ہیں، سعید غنی

جیکب آباد میں جیو نیوز سے بات چیت میں سعید غنی نے کہا کہ سندھ بھر میں چھٹی سے آٹھویں جماعت تک کی کلاسز28 ستمبر سے ہی ہوں گی۔

سعید غنی نے صبح سویرے گلشن اقبال میں نجی اسکول میں تدریسی نظام کاجائزہ لیا، اسکول میں داخل ہوتے وقت ہینڈ سینیٹائزر اور دیگر ایس او پیز کا فقدان تھا جس پر وزیرتعلیم نے اسکول انتظامیہ کو فوری ایس او پیز پوری کرنے کی ہدایات دی۔

یہ بھی پڑھیے


وزیرتعلیم نے گورنمنٹ ڈگری سائنس اینڈ کامرس کالج، گلشن اقبال کا بھی دورہ کیا، کالج میں پرنسپل کی غیر موجودگی، تدریس اور صفائی کے فقدان پر شدید برہمی کا اظہار کیا اور فوری طور پر متعلقہ پرنسپل کو شوکاز نوٹس دینے کی ہدایات دی۔

اسکول کھلنے سے کورونا بڑھا تو فیصلہ بدل سکتا ہے: سعید غنی

سندھ کے وزیرِ تعلیم سعید غنی کہتے ہیں کہ تعلیمی ادارے کھلنے سے کورونا وائرس کا مرض بڑھا تو فیصلہ تبدیل بھی ہو سکتا ہے۔

وزیرتعلیم نے کہا کہ سیکرٹری کالجز فوری طور پر اس کالج کا دورہ کرکے یہاں کی صورتحال کو بہتر بنائیں۔

تازہ ترین