آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نوبیاہتا پونم پانڈے کا شوہر پر تشدد کا الزام، پولیس نے حراست میں لے لیا

ممبئی (مانیٹرنگ ڈیسک)بھارتی معروف ماڈل اور اداکارہ پونم پانڈے نے حال ہی میں اپنے بوائے فرینڈ سام سے شادی کی ہے، تاہم شادی کے کچھ روز بعد ہی اداکارہ نے تشدد کرنے اور دھمکیاں دینے پر اپنے شوہر کیخلاف ایف آئی درج کرائی جس پر گوا پولیس نے شوہر سام کو حراست میں لے لیا ہے۔بھارتی میڈیا کے مطابق بولی وڈ کی مقبول ماڈل اور اداکارہ پونم پانڈے گوا کے سیاحتی مقامات پر شوٹنگ میں مصروف ہیں اور ان کے ساتھ شوہر سام احمد بھی اس ’’ ہنی مون ٹرپ کم شوٹنگ ‘‘ میں ہمراہ ہیں تاہم دونوں کے درمیان ایک نجی معاملے پر جھگڑا ہوگیا۔اداکارہ پونم پانڈے نے جنوبی گوا کے کیناکونا پولیس اسٹیشن میں شوہر کیخلاف ایف آئی آر درج کروائی تھی جس میں الزام عائد کیا گیا کہ ان کے شوہر سام احمد نے ایک ذاتی تنازع پر سنگین نتائج کی دھمکیاں دینے کے علاوہ اُن پر حملہ کیا اور تھپڑ مارا۔ کیناکونا پولیس اسٹیشن کے انسپکٹر توکارم چوہان نے بتایا کہ ماڈل پونم پانڈے کی شکایت پر ان کے شوہر کو حراست میں لے لیا گیا ہے جب کہ پونم پانڈے کا طبی کا معائنہ بھی کرایا جائے گا اگر تشدد کے شواہد ملے تو سخت کارروائی ہوگی۔واضح رہے کہ دونوں نے رواں برس جولائی میں منگنی کی تھی اور رواں ماہ کے آغاز میں ہی شادی کے بندھن میں بندھے تھے اور اس وقت گوا میں ہنی مون منا رہے تھے

جہاں پونم پانڈے کو ایک شوٹنگ میں بھی حصہ لینا تھا۔

دل لگی سے مزید