آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

فرنٹیئرفاؤنڈیشن کے زیراہتمام تھیلی سیمیا فیلوز کیلئے بلڈڈونیشن کیمپ

پشاور(نیوزڈیسک) فرنٹیئرفاؤنڈیشن کے زیراہتمام تھیلی سیمیا، ہیموفیلیا ودیگرامراض خون میں مبتلا بچوں اور مریضوں کو خون و اجزائے خون کی فراہمی کیلئے جلوزئی بازار، شبقدر بازار اور پھندو بازارمیں بلڈ ڈونیشن کیمپ لگائے گئے، اس دوران عوام خصوصاً نوجوانوں نے بڑھ چڑھ کر حصہ لیتے ہوئے درجنوں بیگز خون عطیہ کیا، فرنٹیئر فاؤنڈیشن کی ٹیم میں پی آر او نصراللہ اوردیگر شامل تھے جنہیں نذیر خان، حاجی بہرام خان،شوکت خان اور مقامی عمائدین کا تعاون حاصل رہا، دریں اثناءچیئرمین فرنٹیئرفاؤنڈیشن صاحبزادہ محمد حلیم نے خون عطیہ کرنے والے افراد کا شکریہ ادا کرتے ہوئے کہا کہ خون عطیہ کرنے والوںکے تعاون کی بدولت ہی تھیلی سیمیا سمیت دیگر امراض خون میں مبتلا بچوں کی زندگی کی سانسیں رواں دواں ہیں،انہوں نے عوام سے اپیل کی کہ وہ تھیلی سیمیا میں مبتلا بچوں کیلئے خون عطیہ کریں تاکہ ان کی زندگی کے چراغ روشن رہیں۔

پشاور سے مزید