نواز شریف دوبارہ اپنی پرانی روش پر چل نکلے، فیصل جاوید

پاکستان تحریکِ انصاف (پی ٹی آئی) کے رہنما و سینیٹر فیصل جاوید کہتے ہیں کہ نواز شریف دوبارہ اپنی پرانی روش پر چل نکلے ہیں، ’خرید لو‘ یا ’دھمکاؤ‘ نیا نہیں ان کا پرانا وتیرہ ہے۔

ایک بیان میں پاکستان تحریکِ انصاف (پی ٹی آئی) کے رہنما و سینیٹر فیصل جاوید کا کہنا ہے کہ ریاستی و قومی اداروں کے سربراہان و افسران کی طویل فہرست ہے جنہیں شریف خاندان نے شر کا نشانہ بنایا۔

انہوں نے کہا کہ رفیق تارڑ کا بریف کیس بھر کر کوئٹہ میں ججوں کی خریداری کے لیے جانا بھی ذہن میں تازہ ہے، جسٹس ملک قیوم کو شہباز اور ان کے درباری سیف الرحمٰن کی فون کالز میڈیا پر گونج رہی ہیں۔

فواد چوہدری پر اپنی ہی جماعت کے سینیٹر فیصل جاوید کی تنقید

اسلام آباد (این این آئی)وفاقی وزیر سائنس...

فیصل جاوید خان نے کہا کہ چھانگا مانگا میں اراکینِ اسمبلی کا سجایا گیا جمعہ بازار بھی قوم کے سامنے ہے، جسٹس سجاد علی شاہ کی عدالت پر مسلح یلغار کے شرم ناک مناظر قوم کے سامنے ہیں۔

انہوں نے کہا کہ عدالتوں سے سزا یافتہ خاتون کی قیادت میں نیب کے دفتر پر پتھراؤ تو کل کی بات ہے، اداروں پر حملہ ان کا پرانا وتیرہ ہے، قوم نے ہمیشہ اسے نفرت کی نگاہ سے دیکھا ہے۔

پی ٹی آئی رہنما نے کہا کہ ہر آرمی چیف کے خلاف محاذ کھولنا اور اس پر حملے کرنا ان کی روایت رہی ہے، ہمارے ادارے خصوصاً فوج ہمارے دفاع کی ضامن اور ہمارا فخر ہے۔

انہوں نے کہا کہ پہلی بار ان کا واسطہ اس مردِ قلندر سے پڑا ہے جسے خریدنے کا تصور بھی ناممکن ہے، خرید نہ سکے تو وزیرِ اعظم عمران خان سے این آر او کی بھیک مانگنے آ پہنچے۔

پاکستان تحریکِ انصاف کے سینیٹر فیصل جاوید کا مزید کہنا ہے کہ این آر او نہ ملا تو یہ لوگ ریاست کے خلاف ہندوستان کے ہم آواز بن گئے۔

انہوں نے یہ بھی کہا کہ قوم نے عمران خان کو چوروں کے کڑے احتساب کا مینڈیٹ دیا ہے، عمران خان قوم سے کیا گیا ایک ایک وعدہ نبھائیں گے اور ان سے پورا حساب لیں گے۔