• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹرز کے بعد اساتذہ کورونا کیخلاف فرنٹ لائن پر کام کر رہے ہیں، مقررین

میرا شہر
کوئٹہ
07 اکتوبر ، 2020
کوئٹہ (پ ر ) محکمہ تعلیم بلوچستان اور یونیسف کے تعاون سے پائٹ اور صوبے کے 11 سکولوں کے ٹیچر ریسورس سینٹرز میں اساتذہ کے عالمی دن کے حوالے سے تقریب کا انعقاد کیا گیا۔جس کا مقصد ان اساتذہ کو خراج تحسین پیش کرنا ہے جنہوںنے کووڈ 19 کے باعث پیدا ہونے والی صورتحال کے باوجود اپنے فرائض انجام دینے کے ساتھ ساتھ ایس او پیز پر عملدرآمد کر کے سکولوں کے دوبارہ کھلنے میں اپنا کردار ادا کیاجبکہ دوسری جانب صوبے بھر کے ان اساتذہ کی کارکردگی کو بھی سراہا گیا جنھوں نے لاک ڈاؤن کے دنوں میں آن لائن سی پی ڈی ٹریننگز میں حصہ لیا۔ڈائریکٹر پائٹ اعجاز عظیم بلوچ اور پروگرام منیجر سی پی ڈی مزمل پانیزئی نے تقریب سے خطاب کرتے ہوئے کہا کہ ڈاکٹرز کے بعد اب اساتذہ واحد طبقہ ہے جو فرنٹ لائن پر اپنی ذمہ داری ادا کر رہاہے سکولوں کی بندش کے باوجود اساتذہ نے ٹیکنالوجی کا فائدہ اٹھا کر تعلیمی سرگرمیاں جاری رکھیں اس موقع پر اساتذہ میں اسناد بھی تقسیم کی گئیں۔
تازہ ترین