• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دھمکی آمیزویڈیو،فرخ کھوکھر کیخلاف دہشتگردی کا مقدمہ

میرا شہر
اسلام آباد
09 اکتوبر ، 2020
راولپنڈی(سٹاف رپورٹر)ایس پی پوٹھوار اور پولیس کیخلاف دھمکی آمیزویڈیوسوشل میڈیاپراپ لوڈکرنے پرفرخ کھوکھرکے خلاف انسداد دہشت گردی ایکٹ اور تعزیرات پاکستان کی دفعات کے تحت مقدمہ درج کرلیاگیا۔ایس ایچ اوائرپورٹ سب انسپکٹرجوادعباس شاہ کی مدعیت میں درج کی گئی ایف آئی آرکے مطابق حب دارحسین ڈی ایف سی تھانہ ائرپورٹ نے اپنے موبائل فون سے فرخ امتیازکھوکھرولدامتیازعلی کھوکھر جس کیخلاف فورتھ شیڈول کی خلاف ورزی پر 6اکتوبرکوانسداددہشت گردی ایکٹ کے تحت مقدمہ درج ہواتھااورجس میں وہ انسداددہشت گردی کورٹ سے ڈسچارج ہو گیا تھا کی سوشل میڈیاپروائرل ہونے والی ویڈیودکھائی جس میں وہ کہہ رہاہے کہ بندے کومجبورنہ کریں کہ بندہ بغاوت کی طرف آجائے،ایس پی صاحب ہوش کے ناخن لیں کتناعرصہ آپ کی نوکری ہے آپ نے ریٹائربھی ہوناہے ۔فرخ کھوکھرنے پنجابی موومنٹ شروع کرنے کی دھمکی دے کرسپرنٹنڈنٹ آف پولیس پوٹھوارڈویژن اورپوٹھوارڈویژن پولیس کے خلاف لسانی بنیادوں پرنفرت کوابھارااور پولیس کواپنی ویڈیومیں لسانی بنیادوں پردہشت گردی پھیلانے کی دھمکی دے کرارتکاب جرم کیاہے ۔راولپنڈی پولیس کی جانب سے جاری کی گئی پریس ریلیزمیں کہاگیاہے کہ فرخ کھوکھر کی لسانی منافرت اور بغاوت کی دھمکی پر مبنی ویڈیو بیان سامنے آنے پر دہشت گردی کا ایک اور مقدمہ درج کیا گیا ،امتیاز عرف تاجی کھوکھر اور فرخ کھوکھر کے خلاف قتل، قبضہ اور دہشت گردی ایکٹ سمیت متعدد سنگین مقدمات درج ہیں،فرخ کھوکھر پر 2005 سے قتل،اقدام قتل اور دہشت گردی کے کئی مقدمات درج ہیں،نقص امن اور خطرناک کارروائیوں میں ملوث ہونے کے پیش نظر دونوں افراد کے نام حکومت کی جانب سے دہشت گردی ایکٹ کے تحت فورتھ شیڈول کی لسٹ میں درج ہیں،فورتھ شیڈول میں شامل افراد قانون کے مطابق اپنی نقل و حرکت کے بارے میں پولیس کو آگاہ کرنے کے پابند ہیں اور بلا اجازت اپنا رہائشی علاقہ بھی نہیں چھوڑ سکتے،ریاست کی رٹ کو چیلنج نہیں کیا جا سکتا ایسا کرنے والوں کے ساتھ آہنی ہاتھوں سے نمٹا جائے گا۔ویڈیو بیان ذاتی مفاد کے لئے لسانی منافرت کو ابھار کر مذموم مقاصد کی تکمیل کی بھونڈی کوشش ہے ۔
تازہ ترین